ԱՄՆ-ին վստահել պետք չէ. Խամենեի
ՄԻՋԱԶԳԱՅԻՆ
ԱՄՆ-ին պետք չէ վստահել ոչ մի պարագայում և ոչ մի հարցում: Վեստի.ռու կայքի հաղորդմամբ, նման կարծիք է հայտնել Իրանի հոգևոր առաջնորդ այաթոլլա Ալի Խամենեին:
Նրա խոսքով, նման կարծիքի են եկել նաև եվրոպական կառավարությունների ղեկավարները:
«Ընդ որում ավելի քան 30 տարի առաջ այդ մասին զգուշացնում էր իմամ Խոմեյնին՝ ԱՄՆ-ը անվանելով մեծ սատանա: Նրա նախազգուշացումը պետք է մեզ համար կարևոր դաս դառնա»,- նշել է Իրանի առաջնորդը:
Նա ասել է, որ Սաուդյան Արաբիան ԱՄՆ-ի հետ համագործակցության պատճառով ստիպված է Վաշինգտոնին տալ իր բյուջեի կեսից ավելին: Խամենեին ընդգծել է, որ թեև ԱՄՆ-ին դիմակայելը ևս ծախսեր է պահանջում, սակայն այդ երկրի հետ դաշնակից լինելն ավելի թանկ է արժենում:
