Խաղաղ օվկիանոսում՝ Մեքսիկայի ափերի մոտ, հայտնաբերվել են ավելի քան 1.2-ից ավելի տոննա կշռող կոկաինի հակեր

Խաղաղ օվկիանոսի Մեքիկայի ափերի մոտ հայտնաբերվել են կոկաինի փաթեթավորված անջրանցիկ հակեր։ Այդ մասին հաղորդում է Ria Novosti-ն՝ հղում անելով Մեքսիկայի ռազմածովային ուժերի նախարարությանը։

Վերջինի տվյալներով՝ թմրանյութի 32 հակերը նկատել են Ակապուլկո նավահանգստից ոչ հեռու։ Թե ինչ ճանապարհով են թմրանյութերի դիլերները ծրագրել բեռնափոխադրումը և թե ով պետք է հակերն ընդուներ, նախարարությունը չի հաղորդում։

Նշենք, որ Մեքսիկայի ու Կենտրոնական Ամերիկայի տարածքն օգտագործվում է մեքսիկացի նարկոդիլերների կողմից Հարավային Ամերիկայից դեպի Միացյալ Նահանգներ օդային և ծովային ճանապարհով կոկաինը տեղափոխելու համար։