ՊՍԺ-ն Օբամեյանգին ձեռք կբերի 70 մլն եվրոյով

Դորտմունդի «Բորուսիայի» հարձակվող Պիեր-Էմերիկ Օբամեյանգը կարիերան կշարունակի Ֆրանսիայում, հայտնում է Sport France-ը:

Նշվում է, որ ՊՍԺ-ն համաձայնեցրել է գաբոնցու տրանսֆերը «Բորուսիայի» հետ: Առայժմ չեն լուծվել Օբամեյանգի անհատական պայմանագրի միայն որոշ կետեր:

Տրանսֆերի արժեքը կկազմի 70 միլիոն եվրո: Օբամեյանգի աշխատավարձը ՊՍԺ-ում կկազմի 10 մլն եվրո, ևս 6 միլիոն եվրո՝ ֆուտբոլիստը կստանա պայմանագիրը կնքելուց հետո:

Ավելի վաղ հաղորդվել էր, որ Օբամեյանգը «Բորուսիայի» ղեկավարներին հայտնել էր ակումբը լքելու իր ցանկության մասին: