Ստուգել են Հենրիխ Մխիթարյանի ավտոմեքենան (ֆոտո)

Մանչեսթրում Արիանա Գրանդեի  համերգի ժամանակ տեղի ունեցած պայթյունից հետո անվտանգության նկատառումներից ելնելով նախօրին ստուգել են «Carrington’s Aon» մարզաբազա մեկնող «Մանչեսթեր Յունայթեդ»-ի բոլոր ֆուտբոլիստների մեքենաները և ավտոբուսը:  Այս մասին գրում է The Sun-նն ու ներկայացնում լուսանկարներ: Ստուգվող մեքենաների թվում է նաև Հայաստանի ֆուտբոլի ազգային հավաքականի և «Մանչեսթեր Յունայթեդ»-ի կիսապաշտպան Հենրիխ Մխիթարյանի «Մերսեդես»-ը:

Նշենք, որ «Մանչեսթեր Յունայթեդի» ֆուտբոլիստներն արդեն ժամանել են Շվեդիայի մայրաքաղաք Ստոքհոլմ, որտեղ Եվրոպայի լիգայի եզրափակիչում կմրցեն Ամստերդամի «Այաքսի» հետ: «Մանչեսթեր Յունայթեդ» - «Այաքս» հանդիպումը կկայանա այսօր Ստոկհոլմի «Ֆրենդս Արենայում»:  Այն կմեկնարկի Երևանի ժամանակով 22:45-ին: