Հենրիխ Մխիթարյանը իր աջակցությունն է հայտնել Մանչեստրում տեղի ունեցած ահաբեկչության զոհերի հարազատներին

Ֆուտբոլի Հայաստանի ազգային թիմի և «Մանչեսթեր Յունայթեդ»-ի կիսապաշտպանն իր աջակցությունն է հայտնել Մանչեսթեր քաղաքում տեղի ունեցած ահաբեկչության զոհերի հարազատներին:

«Ուժեղ մնա Մանչեսթեր: Մտքերս և աղոթքներս նրանց հետ են, ովքեր տուժել են գիշերը տեղի ունեցած սարսափելի հարձակման ժամանակ»,-«Արմենպրես»-ի հաղորդմամբ` գրել է Մխիթարյանը:

Անգլիայի Մանչեստր քաղաքի ծածկած մարզադաշտում պայթյունը որոտացել Է տեղական ժամանակով ժամը 22:35-ին (Երեւանի ժամանակով ժամը 01:35-ին): Այդ րոպեներին ավարտվում էր ամերիկացի փոփ երգչուհի Արիանա Գրանդեիհամերգը, որին ներկա էին մի քանի հազար մարդ, մեծ թվով երեխաներ եւ < /i>դեռահասներ: Վերջին տվյալներով՝մահացել են 22 մարդ, վիրավորվել՝ 59-ը: