Նախնական արդյունքներով Հասան Ռոհանին շուրջ 15 միլիոն ձայն է ստացել

Իրանի 12-րդ շրջանի նախագահական ընտրություններին 40 միլիոն քաղաքացի է մասնակցել,-հաղորդում է իրանական «ԻՍՆԱ» լրատվական գործակալությունը:

Իրանական աղբյուրի փոխանցմամբ՝ ԻԻՀ ընտրական շտաբն ամփոփում է 12-րդ շրջանի նախագահական ընտրությունների արդյունքները, որոնց համաձայն՝ ժամը 8:30-ի դրությամբ՝ հաշված վավեր քվեաթերթիկների թիվը կազմում է 25 միլիոն 182 հազար 310:

Գործող նախագահ Հասան Ռոհանին ստացել է 14 միլիոն 619 հազար 848 ձայն, իսկ նրա մրցակից՝ պահպանողականների միասնական թեկնածու Էբրահիմ Ռայիսին՝ 10 միլիոն 125 հազար 855 ձայն: 

Մոսթաֆա Միրսալիմը ստացել է 297 հազար 276 ձայն, իսկ Մոսթաֆա Հաշեմիթաբան՝ 139 հազար 331 ձայն: