Ռոնալդուն «Սելտային» մեղադրել է ճամպրուկով փող ստանալու մեջ

Shamshyan.com/«Ռեալի» հարձակվող Կրիշտիանու Ռոնալդուն Իսպանիայի առաջնության հետաձգված խաղում՝ «Սելտայի» դեմ (4:1), մրցակցին մեղադրել է կաշառք ստանալու մեջ:

Դրվագներից մեկում տեսախցիկները որսացել են պորտուգալացուն, որը ձեռքի շարժումներով մրցակցի պաշտպան Գուստավո Կաբրալին ճամպրուկ է պատկերել, որից հետո ակնարկել է, որ այն լցված է փողով և նախատեսված է «Սելտայի» համար՝ նկատի ունենալով, որ փող տվողը «Բարսելոնան» է եղել:

Հիշեցնենք, որ այդ հաղթանակի շնորհիվ «Ռեալը» երկրորդ տեղում ընթացող «Բարսելոնայից» առաջ անցավ երեք միավորով: