Հոնգկոնգյան աճուրդում ռեկորդային՝ 3 մլրդ դոլարով վաճառվել է աշխարհի ամենաթանկ հողատարածքը

Shamshyan.com

Հոնգկոնգի կառավարության հայտարարած աճուրդում ռեկորդային գնով վաճառվել է ախարհի ամենաթանկ հողատարածքը։ Այդ մասին հայտնում է Ria Novosti-ն։

South China Morning Post թերթը գրում է, որ տարածքը գտնվում է Հոնգկոնգի ուղիղ կենտրոնում, որտեղ անշարժ գույքի գներն աշխարհում ամենաբարձրն են գնահատվում։

Henderson Land-ի փորձագետները հողատարածքը գնահատել էին առավելագույնը 2.8 մլրդ դոլար, սակայն առաջարկված 3 մլրդ դոլարը նրանց զարմացրել էր։

Աճուրդին մասնակցել է 9 ընկերություն։ Ներկա պահին նշված տարածքում 5 հարկանի կայանատեղի է։ Henderson ընկերությունը ծրագրում է ապամոնտաժել այն և մինչև 2022 թվականը կառուցել այնտեղ շքեղ շինություն։