ԱՄՆ-ում Թուրքիայի դեսպանի նստավայրի դիմաց բախումներ են տեղի ունեցել

ԱՄՆ-ում Թուրքիայի դեսպանի նստավայրի դիմաց տեղի ունեցած բախումների հետևանքով տուժել է 9 մարդ:  Բոլոր տուժածները տեղափոխվել են հիվանդանոց:  Նրանցից երկուսի վնասվածքները գնահատվում են ծանր: Գրում է «Լենտա.ռու»-ն:

Բախումները տեղի են ունեցել Թուրքիայի ներկա իշխանությունների կողմնակիցների ու ընդդիմադիրների միջև: Բողոքի ակցիան կազմակերպվել է Վաշինգտոն՝ Թուրքիայի նախագահ Ռեջեփ Թայիփ Էրդողանի այցի կապակցությամբ:

Դեպքի վայրը շրջափակվել է ոստիկանության աշխատակիցներով, տրանսպորտի երթևեկությունը սահմանափակվել է: