Ֆրանչեսկո Տոտին մրցաշրջանի վերջում կավարտի ֆուտբոլային կարիերան

 Իտալական «Ռոմա» ակումբի արդեն լեգենդար ֆուտբոլիստ Ֆրանչեսկո Տոտին մրցաշրջանի ավարտից հետո կավարտի ֆուտբոլային կարիերան:

Այս մասին գրում է իտալական մամուլը: Տոտին «Ռոմա»-ում անցկացրել է պրոֆեսիոնալ ողջ կարիերան, որը սկսվել է 1992-1993 թվականներից:

Նա հաղթել է Իտալիայի առաջնությունը, տիրել երկրի երկու գավաթի ու մեկ սուպերգավաթի: Սերիա-Ա-ի ռմբարկուների ցանկում նա զբաղեցնում է երկրորդ տեղը՝ զիջելով Սիլվիո Պիոլիին. Տոտին խփել է 250, իսկ Պիոլին՝ 274 գոլ: