Սեւան-Երեւան ճանապարհին «Ֆորդը» բախվել է ծառերին

Հայաստանի ԱԻՆ-ում, այսօր՝ ապրիլի 20-ին, ժամը 04:09-ին ահազանգ է ստացվել, որ Սեւան-Երեւան ավտոճանապարհին՝ նախկին ՃՈ հենակետի մոտակայքում, տեղի է ունեցել ավտովթար, տուժածներ չկան. անհրաժեշտ է փրկարարների օգնությունը:

Դեպքի վայր է մեկնել հրշեջ փրկարարական ջոկատի օպերատիվ խումբը:

Պարզվել է, որ Մ-4 ավտոճանապարհի Երեւան-Սեւան հատվածի 36-րդ կմ-ին Ford Transit մակնիշի 98 FF 800 համարանիշի (վարորդ՝ Ռ. Կ.) ավտոմեքենան դուրս է եկել ավտոճանապարհի երթեւեկելի հատվածից եւ բախվել ծառերին. տուժածներ չկան:

Փրկարարներն ավտոմեքենան դուրս են բերել ավտոճանապարհի երթեւեկելի հատված: