Երևանում բախվել են Infiniti-ն ու Газ 32213-ը. կան վիրավորներ

Երեկ՝ ապրիլի 16-ին, ավտովթար է տեղի ունեցել Երևանում։ Ժամը 18։00-ի սահմաններում Արշակունյաց պողոտայի 16 հասցեի դիմաց բախվել են Երևանի բնակիչներ՝ 30-ամյա Հարություն Մովսիսյանի վարած Infiniti մակնիշի 02 AM 020 համարանիշի և 54-ամյա Հրաչյա Գրիգորյանի վարած Газ 32213 մակնիշի 0792 Տ համարանիշի ավտոմեքենաները։

Ինչպես հայտնում է ֆոտոլրագրող Գագիկ Շամշյանը, վթարի հետևանքով վերջինի ուղևորներ՝ Երևանի բնակիչներ, 56-ամյա Գրետա Շահնազարյանը, 81-ամյա Ջեմմա Գրիգորյանը և 79-ամյա Անիկ Ասատրյանը մարմնական վնասվածքներով տեղափոխվել են «Էրեբունի» բժշկական կենտրոն։ Վթարի վայր են ժամանել Ճանապարհային ոստիկանության 1-ին սպայական գումարտակի ծառայողները։

Վթարի մասին ՃՈ օպերատիվ կառավարման կենտրոնի պատասխանատու հերթապահ Արշակ Գրիգորյանը տեղեկությունը փպոխանցել է ՃՈ Ճանապարհատրանսպորտային պատահարների գործերով հետաքննության և վարչական վարույթի իրականացման բաժանմունք, որտեղից ժամանել է հետաքննիչ Հովհաննիսյանը, ում կողմից փաստի առթիվ նյութեր են նախապատրաստվում։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Լուսանկարը՝ Գագիկ Շամշյանի