ԿՈՆԿԱԿԱՖ-ի Չեմպիոնների գավաթ․ Ինտեր Մայամին և Նեշվիլը չպարզեցին հաղթողին

ԿՈՆԿԱԿԱՖ-ի Չեմպիոնների գավաթի խաղարկության 1/8 եզրափակչի առաջին խաղում «Ինտեր Մայամին» ոչ-ոքի խաղաց «Նեշվիլի» հետ՝ 2-2: Հանդիպումը կայացել է Նեշվիլի մարզադաշտում։

Հանդիպման հաշիվը 4-րդ րոպեին բացել է տանտերերի կանադացի հարձակվող Յակոբ Շաֆելբուրգը։ Երկրորդ խաղակեսի սկզբում նա կրկնապատկեց իր թիմի առավելությունը:

Հինգ րոպե անց Լիոնել Մեսսին Լուիս Սուարեսի փոխանցումից գոլ խփեց: Ավելացված ժամանակում ուրուգվայցի հարձակվողը հյուրերին փրկեց պարտությունից։

Պատասխան խաղը կկայանա հաջորդ հինգշաբթի՝ մարտի 14-ին, «Ինտեր Մայամիի» մարզադաշտում։