Ամեն ինչ լուրջ է․ Չավին՝ Պեդրիի և Դե Յոնգի վնասվածքների մասին

«Բարսելոնայի» գլխավոր մարզիչ Չավին խոսել է Իսպանիայի առաջնության 27-րդ տուրի «Աթլետիկի» դեմ խաղում (0:0) վնասվածք ստացած կիսապաշտպաններ Ֆրենկի դե Յոնգի ու Պեդրիի վիճակի մասին։

Երկու ֆուտբոլիստներն էլ վնասվածք են ստացել հանդիպման առաջին խաղակեսում։

«Ցավոք, իրավիճակը լավ չէ։ Ամեն ինչ լուրջ է։ Ցավալի է, կարծում եմ, որ նրանք անորոշ ժամանակով շարքից դուրս են մնացել», — Չավիի խոսքն է մեջբերել AS-ը:

2023/24 մրցաշրջանում 26-ամյա դե Յոնգը «Բարսելոնայի» կազմում անցկացրած 26 խաղում դարձել է 2 գոլի հեղինակ, 21-ամյա Պեդրին 23 խաղում դարձել է 2 գոլի և 4 գոլային փոխանցման հեղինակ։