Վահան Մարտիրոսյանի 150 հազար դոլար փոխառությունները և 100 միլիոնից ավելի եկամուտները. «Փաստ»

«Փաստ» օրաթերթը գրում է.

Տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը նախորդ տարի 24 միլիոն 167 հազար դրամով հողամաս է գնել: Այս մասին տեղեկանում ենք նախարարի՝ Բարձրաստիճան պաշտոնատար անձանց էթիկայի հանձնաժողով ներկայացված 2016 թ. տարեկան հայտարարագրից:

Մարտիրոսյանի փոխառությունները նախորդ տարի կազմել են 150 հազար ԱՄՆ դոլար, իսկ դրամական միջոցները կազմել են 45 միլիոն դրամ, 623 հազար ԱՄՆ դոլար և 322 հազար եվրո:

Նրա տարեկան եկամուտներն էլ կազմել են 110 միլիոն 275 հազար դրամ և ստացվել 55 միլիոն 954 հազար դրամ շահաբաժնից, 4 միլիոն 323 հազար դրամ աշխատավարձից, 34 միլիոն 49 հազար դրամ վարձակալության դիմաց ստացված վճարից, 10 միլիոն 502 հազար դրամ քաղաքացիաիրավական այլ պայմանագրերից ստացված գումարից և 5 միլիոն 444 հազար դրամ տրված փոխառությունների դիմաց ստացված տոկոսից:

Շարունակությունը` «Փաստ» օրաթերթի այսօրվա համարում: