Հայաստանում օդի ջերմաստիճանը կբարձրանա

Հանրապետության տարածքում ապրիլի 13-ի գիշերը սպասվում է առանց տեղումների եղանակ: Օրվա երկրորդ կեսին, ապրիլի 14-15-ը շրջանների զգալի մասում ժամանակ առ ժամանակ, ապրիլի 16-ին՝ կեսօրից հետո, առանձին շրջաններում սպասվում է անձրև, ամպրոպ, առանձին վայրերում` քամու ուժգնացում՝ 18-23 մ/վ արագությամբ:

«Արմենպրես»-ին արտակարգ իրավիճակների նախարարությունից տեղեկացրին, որ օդի ջերմաստիճանը ապրիլի 13-14-ը ցերեկը կբարձրանա 3-4, գիշերը՝ 6-8 աստիճանով:

Երևան քաղաքում`ապրիլի 13-ի գիշերը, 16-ի ցերեկը, 17-ին սպասվում է առանց տեղումների եղանակ: Ապրիլի  13-ին՝ օրվա երկրորդ կեսին, ապրիլի 14-15-ը, 16-ի գիշերը ժամանակ առ ժամանակ սպասվում է անձրև և ամպրոպ, հնարավոր է քամու ուժգնացում՝ 15-20 մ/վ արագությամբ: