Ռեալ Սոսյեդադը պարտվեց Վիլյառեալին․ Զախարյանը փոխարինվեց վնասվածքի պատճառով
ՍՊՈՐՏ
Իսպանիայի առաջնության 26-րդ տուրի խաղում «Ռեալ Սոսյեդադը» սեփական հարկի տակ պարտվեց «Վիլյառեալին» 1:3 հաշվով։
Հյուրերի կազմում դուբլի հեղինակ դարձավ Սանտի Կոմեսանյան, և մեկ գոլ խփեց Ալեքսանդր Սորլոտը։ Տանտերերի միակ գոլը խփեց Միկել Մերինոն։
«Ռեալ Սոսյեդադի» կիսապաշտպան Արսեն Զախարյանը մեկնարկային կազմում էր։ 72-րդ րոպեին ֆուտբոլիստը մրցակցի պաշտպան Երսոն Մոսկերայի հետ բախման արդյունքում վնասեց աջ ձեռքը և փոխարինվեց։ Զախարյանի փոխարեն խաղադաշտ մտավ հարձակվող Շերալդո Բեկերը։
«Վիլյառեալը» 29 միավորով բարձրացավ Լա լիգայի մրցաշարային աղյուսակի 12-րդ հորիզոնական, «Ռեալ Սոսյեդադը» 40 միավորով 6-րդն է։
