Այս գիշեր Ադրբեջանի զինուժն արձակել է շուրջ 400 կրակոց, այդ թվում ականանետից. Արցապի ՊԲ (ֆոտո)

Ապրիլի 6-ին եւ լույս 7-ի գիշերը արցախա-ադրբեջանական հակամարտ զորքերի շփման գծում, հակառակորդը տարբեր տրամաչափի հրաձգային զինատեսակներից,  հրադադարի պահպանման ռեժիմը խախտել է ավելի քան 25 անգամ՝ հայ դիրքապահների ուղղությամբ արձակելով շուրջ 400 կրակոց:

Արցախի ՊԲ-ից հայտնում են, որ շփման գծի հյուսիսարեւելյան ուղղությամբ ադրբեջանական զինուժը կիրառել է նաեւ 60 միլիմետրանոց ականանետ (4 արկ):

ՊԲ առաջապահ զորամասերը  շարունակում են լիակատար վերահսկողություն պահպանել առաջնագծում՝ անհրաժեշտության դեպքում դիմելով նաեւ պատասխան գործողությունների: