Փաշինյանի երազած երկրում էականը ստամոքսն է, ունիտազն ու կանալիզացիան․ Շարմազանով

Առաջին օրվանից էլ ասել եմ, որ Աշոտյանի էս շինծու գործը քաղաքական հետապնդում է, կապված նրա քաղաքական գործունեության հետ՝ մանր վրեժխնդրություն։ Սա նպատակ ունի Արմեն Աշոտյանին կալանավորելով, շինծու գործեր կարելով՝ վախ սերմանել հասարակության ընդդիմադիր ազգային հատվածի մոտ, ովքեր մտածեն, որ եթե Աշոտյան Արմենին են կալանովորել, բա մեզ ի՞նչ կանեն։ Ստեղ գործ չկա, եթե գոնե մեկ տոկոս Սահմանադրության կամ պետության հետ կապ ունենայինք, այս գործն առհասարակ չէր լինի։ Այս մասին լրագրողների հետ զրույցում հայտնեց ՀՀԿ ԳՄ անդամ Էդուարդ Շարմազանովը։

Անդրադառնալով վերջին օրերին զարգացումներին` Շարմազանովն ասաց. «Անդրադառնալով ձեր նշած Էրմենիստանի գաստրոլյորներին. դա քաղաքական հնարք է, ծրագրված շոու Նիկոլ Փաշինյանի կողմից, ուղղված նրան, որ հանրությանն ամբողջովին նոր սպառողական օրակարգ հրամցնեն, որպեսզի ազգային ուժերի կողմից, Հայ Առաքելական սուրբ եկեղեցու կողմից կարևորագույն օրակարգը՝ հայրենիքի, Արցախի, պետության, ինքնիշխանության, հայկականության, առաքելականության օրակարգը ստվերեն և առաջնային դառնա ունիտազ կա, կախիչ կա, դուշ կա... մենք ծիծաղում ենք, բայց ինքը հասել է իր նպատակին»։

«Իր նպատակն այն է, որ մենք իրական հայկական, իրական արցախյան, իրական Հայաստանի ադրբեջանացման սպառնալիքի մասին չխոսենք, այլ իր երազած ժամանակաշրջանի մասին, որտեղ էականը ստամոքսն է, ունիտազն ու կանալիզացիան»,- հավելեց նա։

Մանրամասները՝ տեսանյութում