Մխիթարյանը երկարաձգեց պայմանագիրն Ինտերի հետ

Հայաստանի ազգային հավաքականի նախկին ավագ Հենրիխ Մխիթարյանը երկարաձգել է պայմանագիրն «Ինտերի» հետ։ Այս մասին հայտնում է միլանյան ակումբի պաշտոնական կայքը։

34-ամյա հայ ֆուտբոլիստի հետ նոր պայմանագիրը նախատեսված է մինչև 2026 թվականի հունիսը։

Մխիթարյանն «Ինտերում» հանդես է գալիս 2022 թվականից։

Հիշեցնենք, որ Մխիթարյանը ճանաչվել էր 2023 թվականի Հայաստանի լավագույն ֆուտբոլիստ։