Ինտերը չհաղթեց այս տարվա իր վերջին խաղում

Իտալական Ա սերիայի 18-րդ տուրում «Ինտերը» արտագնա խաղում ոչ-ոքի խաղաց «Ջենոայի» հետ։

42-րդ րոպեին Արնաուտովիչն առաջ մղեց հյուրերին։ Մինչև ընդմիջման գնալը Դրագուսինը խփեց պատասխան գոլը։

Երկրորդ կեսում դարպասի գրավում չեղավ։ Այս խաղից հետո «Ինտերը» 45 միավորով գլխավորում է մրցաշարային աղյուսակն ու 5 միավորի առավելություն ունի երկրորդ տեղում գտնվող «Յուվենտուսի» նկատմամբ։ Թուրինյան թիմն այս տուրի խաղը դեռ չի անցկացրել։