Վթար Շահումյան գյուղի մոտ. փրկարարները դուրս են բերել «Ֆորդի» վարորդին

Հայաստանի ԱԻՆ-ում, այսօր՝ ապրիլի 3-ին, ժամը 07:26-ին ահազանգ է ստացվել, որ Լոռու մարզի Շահումյան գյուղի մոտակայքում տեղի է ունեցել ավտովթար. անհրաժեշտ է փրկարարների օգնությունը:

Դեպքի վայր են մեկնել մեկ մարտական հաշվարկ եւ մարզային փրկարարական վարչության օպերատիվ խումբը:

Պարզվել է, որ Մ-8 ավտոճանապարհի Վանաձոր-Դիլիջան հատվածի 38-րդ կմ-ին՝ «ՄՈՒՇ» ռեստորանային համալիրի մոտակայում, «Ford Transit» մակնիշի 26 ՕՕ 692 համարանիշի ավտոմեքենան (վարորդ՝ 1979 թ. ծնված Ա. Ք.) բախվել է ճամփեզրին կայանաված «Volvo» մակնիշի 496 OT 61 կցորդիչով 584L01 համարանիշի բեռնատար ավտոմեքենային:

Փրկարարները Ա.Ք.-ին դուրս են բերել ավտոմեքենայից եւ մոտեցրել շտապօգնության ավտոմեքենային: Տուժածը հոսպիտալացվել է Վանաձորի բժշկական կենտրոն, որտեղ բժիշկները նրա առողջական վիճակը գնահատել են ծանր:

Փրկարարները հոսանքազրկել են ավտոմեքենան: