Հոլանդը ՉԼ-ում 2 նոր ռեկորդ է գրանցել
ՍՊՈՐՏ
«Մանչեսթեր Սիթիի» հարձակվող Էրլինգ Հոլանդը Չեմպիոնների լիգայում երկու նոր ռեկորդ է սահմանել:
Հիշեցնենք, որ Չեմպիոնների լիգայի խմբային փուլի հինգերորդ տուրի խաղում Հոլանդի գոլը թիմին օգնեց հաղթել «ՌԲ Լայպցիգին»։
Այսպիսով, Հոլանդը Չեմպիոնների լիգայում բոլորից արագ խփեց 40 գոլ։ Դրա համար նրան անհրաժեշտ էր 35 հանդիպում։
Հոլանդը գերազանցեց նաև ՊՍԺ-ի հարձակվող Կիլիան Մբապեի ռեկորդը և դարձավ ամենաերիտասարդ խաղացողը, ով Չեմպիոնների լիգայում 40 գոլ է խփել (23 տարեկան, 130 օրական):
Հոլանդը «Մանչեսթեր Սիթիում» հանդես է գալիս 2022 թվականից։
