«Եվրատեսիլ-2017». Կիպրոսի ներկայացուցիչը կատարում է «Երազ իմ երկիր հայրենի» երգը (տեսանյութ)
ՎԻԴԵՈ
«Եվրատեսիլ-2017» մրցույթում Կիպրոսի հայազգի ներկայացուցիչ Հովիգն ընդունել Հայաստանի ներկայացուցիչ Արծվիկի մարտահրավերը՝ կատարել հայ երգ։
Հովիգն իր ֆեյսբուքյան պաշտոնական էջում հրապարակել է հոլովակ՝ գրելով.
«Սիրելի Արծվիկ, ահա իմ պատասխանը քո #CelebrateDiversityChallenge մարտահրավերին։ Երգում եմ հայկական՝ «Երազ իմ երկիր հայրենի» երգը»։
Հիշեցնենք, որ «Եվրատեսիլ-2017» մրցույթում Հայաստանը ներկայացնող Արծվիկը յուրահատուկ ֆլեշմոբ է սկսել։ Facebook-իր իր պաշտոնական էջում երգչուհին հոլովակ է հրապարակել եւ գրել.
«Սիրով հրավիրում եմ միասին տոնել բազմազանությունը՝ ցույց տալով, որ բազմազանությունը կարող է միավորել բոլորիս: Մարտահրավեր եմ նետում «Եվրատեսիլի» այս տարվա մասնակիցներին (և ոչ միայն) երգելու հայկական ազգային երգ: Սկսում եմ Գերմանիայի պատվիրակ Լեվինայից: Հուսով եմ՝ հավանել ես կատարումս․ ես ջանք չեմ խնայել այն առավելագույնս լավ ներկայացնելու համար»:
