Ավարտվեց շախմատի վետերանների աշխարհի առաջնությունը․ Ռաֆայել Վահանյանը վաստակեց 8 միավոր և կիսեց 3-7-րդ տեղերը

Իտալիայում ավարտվեց շախմատի վետերանների աշխարհի առաջնությունը: Այս մասին հայտնում են Հայաստանի Շախմատի ֆեդերացիայից։

65-ից բարձր տարիքային խմբում Ռաֆայել Վահանյանը 11 հնարավորից վաստակեց 8 միավոր և կիսեց 3-7-րդ տեղերը: Լրացուցիչ ցուցանիշներով Վահանյանը զբաղեցրել է 6-րդ տեղը:

50-ից բարձր տարիքային խմբում Արտաշես Մինասյանը վաստակեց 7 միավոր և զբաղեցրեց 14-րդ տեղը, Աշոտ Նադանյանը վաստակեց 6.5 միավոր և զբաղեցրեց 21-րդ տեղը:

50-ից բարձր տարիքային խմբում չեմպիոն դարձավ անգլիացի գրոսմայստեր Մայքլ Ադամսը, ով վաստակեց 8.5 միավոր: 65-ից բարձր տարիքային խմբում չեմպիոն դարձավ անգլիացի գրոսմայստեր Ջոն Նաննը, ով նույնպես վաստակեց 8.5 միավոր: