Արսեն Զախարյանն առաջին անգամ հայտնվել է «Ռեալ Սոսյեդադի» մեկնարկային կազմում

Ռուսաստանի հավաքականի հայազգի կիսապաշտպան Արսեն Զախարյանն առաջին անգամ հայտնվել է «Ռեալ Սոսյեդադի» մեկնարկային կազմում։ 

Իսպանիայի առաջնության 10-րդ տուրի՝ «Մալյորկայի» դեմ տնային հանդիպմանը կիսապաշտպանը մեկնարկային րոպեներից է խաղում։

Զախարյանն Իսպանիայի առաջնությունում «Ռեալ Սոսյեդադի» կազմում անցկացրել է 4 հանդիպում, որոնցում գնդակի կամ գոլային  փոխանցման հեղինակ չի դարձել։ չի եղել։ 20-ամյա կիսապաշտպանը փոխարինման է դուրս եկել բոլոր խաղերում։

Զախարյանը «Ռեալ Սոսյեդադ» է տեղափոխվել օգոստոսի 19-ին։ Կիսապաշտպանի հետ պայմանագիրը նախատեսված է հինգ տարով՝ մինչև 2028/2029 մրցաշրջանի ավարտը։ Մինչ այս մարզիկը երեք տարի հանդես է եկել Մոսկվայի «Դինամոյում»։