Քանաքեռում տանը փլուզում է տեղի ունեցել. տարհանվել է 14 բնակիչ, այդ թվում` 8 երեխա

Հայաստանի ԱԻՆ-ում, այսօր՝ մարտի 10-ին, ժամը 02:23-ին ահազանգ է ստացվել, որ Երեւան քաղաքի Քանաքեռի 2-րդ փողոցի տներից մեկի (մեկ հարկանի) հատակը փլուզվել է եւ լցվել նկուղ, տուժածներ չկան. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ եւ Ճգնաժամային կառավարման ազգային կենտրոնի օպերատիվ խումբը:

Պարզվել է, որ փլուզվել է երկհարկանի տան (կառուցված 1960-ական թվակններին, 60 քմ) խոհանոցի (8 քմ) եւ հյուրասենյակի (16 քմ) երկաթբետոնե հատակը, տուժածներ չկան, առկա է փլուզման վտանգ:

Փրկարարները տարհանել են տան բնակիչներին (8 անչափահաս եւ 6 չափահաս):

Ահազանգի վերաբերյալ տեղեկատվությունը փոխանցվել է Ճգնաժամային կառավարման ազգային կենտրոնում ՀՀ ԿԱ քաղաքաշինության պետական կոմիտեի ներկայացուցչին: