Լևոն Արոնյանը` Տատա Սթիլում իր առաջին հաղթանակի մասին

Հայկական շախմատի առաջատար Լևոն Արոնյանն անդրադարձել է Տատա Սթիլ մրցաշարում տոնած առաջին հաղթանակին:

«Վերջապես ես երջանիկ եմ: Մրցաշարերում, որոնք երկար են, նշանակություն չունի, թե ինչպես ես մեկնարկում, դու միշտ կարող ես վերագտնել քո խաղը: Ես նշանակություն չեմ տալիս, թե ում եմ հաղթել, կարևորը հաղթելն է»,- ասել է Արոնյանը:

Հայկական շախմատի առաջատար Լևոն Արոնյանն առաջին հաղթանակը տոնեց Տատա Սթիլ մրցաշարում: Մրցաշարի 5-րդ տուրում նա խաղում էր առաջատար Պավել Էլյանովի հետ: Սև խաղաքարերով խաղացող հայ գրոսմայստերը 37-րդ քայլում Էլյանովին ստիպեց անձնատուր լինել: Հաջորդ տուրում Արոնյանը կխաղա աշխարհի գործող չեմպիոն Մագնուս Կարլսենի հետ: Այժմ Արոնյանը 3 միավորով 4-րդ տեղում է: