Փոխարժեք՝
479.8
$
545
8.09

Խոշոր ու շղթայական ավտովթար Երևանում. «Բելաջիո» ռեստորանային համալիրի մոտ բախվել են 5 ավտոմեքենաներ. ՖՈՏՈՌԵՊՈՐՏԱԺ

shamshyan.com -ը գրում է.

Երեկ՝ հունվարի 9-ին, խոշոր ու շղթայական ավտովթար է տեղի ունեցել Երևանում: Ժամը 20:00-ի սահմաններում Մյասնիկյան պողոտայում՝ «Բելաջիո» ռեստորանային համալիրի մոտ, բախվել են ВАЗ 2107 մակնիշի 17 UU 385 համարանիշի, BMW մակնիշի 31 OO 419 համարանիշի Opel մակնիշի 34 NT 005 համարանիշի, BMW մակնիշի 35 CZ 394 համարանիշի և Mercedes մակնիշի 23 OU 700 համարանիշի ավտոմեքենաները:

Ինչպես հայտնում է ֆոտոլրագրող Գագիկ Շամշյանը, բարեբախտաբար, վթարի հետևանքով, ըստ նախնական տեղեկությունների, զոհեր և վիրավորներ չկան:

Վթարի մասին ՃՈ օպերատիվ կառավարման կենտրոնի պատասխանատու հերթապահ Միքայել Աղաբեկյանը տեղեկությունը փոխանցել է ՃՈ ճանապարհատրանսպորտային պատահարների գործերով հետաքննության և վարչական վարույթի իրականացման բաժին, որտեղից ժամանել է հետաքննիչ Հովհաննես Մանուչարյանը, ում կողմից փաստի առթիվ նյութեր են նախապատրաստվում:

Վթարի վայր են ժամանել Ճանապարհային ոստիկանության 1-ին սպայական գումարտակի աշխատակիցները: Օպերատիվորեն ժամանել են նաև ապահովագրական ընկերությունների ներկայացուցիչները: Ճանապարհային ոստիկանությունն ու հետաքննչական բաժինը պարզում են վարորդների ինքնությունը։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Լուսանկարները՝ Սմբատ Պետրոսյանի 

loading...
website by Sargssyan