Վանաձոր-Դիլիջան, Ստեփանավան-Ալավերդի, Աշտարակ-Թալին ճանապարհներին մերկասառույց է. 4 մարզերում մառախուղ է

ՀՀ արտակարգ իրավիճակների նախարարությունը տեղեկացնում է, որ հունվարի 9-ի ժամը 09.30-ի դրությամբ, Եղեգնաձոր-Արենի ավտոճանապարհին, Արագածոտնի մարզի Աշտարակ, Կոտայքի մարզի Եղվարդ, Աբովյան քաղաքներում, Արմավիրի և Արարատի մարզերում առկա է մառախուղ:

Վարդենյաց  լեռնանցքում  տեղ - տեղ մերկասառույց է:

ՀՀ տրանսպորտի, կապի և տեղեկատվական տեխնոլոգիաների նախարարությունն էլ տեղեկացնում է,  որ  հունվարի  9-ին՝ ժամը 09:30-ի դրությամբ, ՀՀ  միջպետական և  հանրապետական  նշանակության  բոլոր ճանապարհները բաց են:
Լոռու մարզի Ուրասար-Կաթնաղբյուր ավտոճանապարհը միակողմանի փակ է:

Դժվարանցանելի է Նիգավան-Ապարան ավտոճանապարհը:

Տիգրանաշենի ոլորաններում, Վարդենյաց լեռնանցքում, Սոթք-Քարվաճառ, Վանաձոր-Դիլիջան, Ստեփանավան-Ալավերդի և Աշտարակ-Թալին-Մաստարա ավտոճանապարհներին տեղ-տեղ առկա է մերկասառույց: