«Գաթա» բենդը` «Նարեկացի» արվեստի միությունում
ՄՇԱԿՈՒՅԹ«Նարեկացի» արվեստի միությունն «Արվեստանոց» ուսուցողական ծրագրի շրջանակներում սիրով հյուրընկալեց «Գաթա» բենդին, որը 6-ից 14 տարեկան երեխաների և պատանիների հետ իսկական ստեղծագործական փոթորիկ արեց միությունում: Խումբը ներկայացրեց իր ստեղծագործական գործընթացը և տեղում «Լապտերներ» նախագծի փոքրիկների հետ իմպրովիզացիայի միջոցով երաժշտական համարներով հանդես եկավ, պատասխանեց հարցերին, իսկ Անդրանիկ սարկավագ Մանուկյանը բացատրեց իրենց ներկայացրած երգերի իմաստներ:
«Գաթա» բենդի ստեղծման առաջին սկզբունքը եղել է մարդկային լավ որակի համախմբումը, ինչն էլ դարձավ երեկոյի հիանալի ընթացքի երաշխավորը...
Բենդը ստեղծվել է հինգ տարի առաջ:
Յուրաքանչյուր անդամ հիանալի վարպետությամբ տիրապետում է մի քանի ֆոլք երաժշտական գործիքների:
Խմբի անդամներն են՝ Գարիկ Առաքելյան (պրոդյուսեր), Վահան Զաքարյանը (փողային գործիքներ), Արթուր Բալջյան (hարվածային գործիքներ), Անդրանիկ բարեշնորհ Մանուկյան (վոկալ):
