Կարսում, Արդահանում, Արարատի վրա, Սասունում, Տրապիզոնում շուտով կծածանվի հայկական դրոշը. Ժիրինովսկի

Մոսկովյան Կրեմլի մեծ պալատի Գեորգիևյան դահլիճում օրերս կազմակերպված հայկական երգի փառատոնում ելույթ ունենալով` Վլադիմիր Ժիրնովսկին հետևյալ բովանդակությամբ ելույթ է ունեցել.

Թուրքիան հանկարծ Սիրիայում հիշել է մարդու իրավունքների պաշտպանության մասին, բայց չգիտես ինչու, մոռացել է հայերի իրավունքների մասին, որոնց կոտորում էր 1915 թվականին:

Այն ռուս օդաչուն, որին թուրքերը սպանեցին Սիրիայում, նա նաև հայերի համար է զոհվել, քանի որ նա Սիրիայում պաշտպանում էր և’ սիրացիներին, և’ Սիրիայում բնակվող հայրերին, քրդերին, բոլոր քրիստոնյաներին:

Ամենից կարևորն այն է, որ այսօր իրավիճակ է փոխվել: Կգա այն ժամանակը, երբ հայերն իրենց տոները, փառատոները կնշեք ազատագրված Արևմտյան Հայաստանի հողի վրա:

Դա կարող է լինել ձեր սուրբ լեռան` Արարատի անունը կրող մի փառատոն: Այն կարող է անցկացվել Կարսում, Արդահանում, Սասունում, Տրապիզոնում:

Ինչ որ ժամանակ առաջ բոլորին թվում էր, թե այս ամենն անհավանական է, մարդիկ ասում էին` ինչպես կարող է դա լինել, երբ ռուսներն ու թուրքերը լավ հարաբերությունների մեջ են: Բայց տեսնում ենք, թե ինչպես է փոփոխվում միջազգային իրավիճակը:

Ձեր կողքին կարող են կանգնել, ձեզ կարող են աջակցել ահռելի քանակությամբ մարդիկ ամբողջ աշխարհում, այդ թվում և բալկանյան ժողովուրդները, ովքեր 5 դար գտնվել են Օսմանյան Թուրքիայի լծի տակ: Նաև հույները, որ մշտապես եղել են թուրքերի ճնշման տակ:

Երբ Թուրքիան խախտել է Հայաստանի, Հունաստանի օդային տարածքը, ոչ ոք ի պատասխան թուրքերի այդ քայլի, նրա ինքնաթիռները չի վնասել: Բայց դա արեց Ռուսաստանը:

Եթե ես լինեի, ռուսական ինքնաթիռի խոցումից հետո կհրահանգեի ամենահզոր հարվածը հասցնել Թուրքիային: Ու այսօր Թուրքիայից քիչ բան կմնար:

Այն ռուս օդաչուն, որին թուրքերը սպանեցին Սիրիայում, նա նաև հայերի համար է զոհվել, քանի որ նա Սիրիայում պաշտպանում էր և’ սիրացիներին, և’ Սիրիայում բնակվող հայրերին, քրդերին, բոլոր քրիստոնյաներին:

Թող Թուրքիան իմանա, որ ոչ մի երկիր իրեն չի պաշտպանելու, իր կողմից հանդես չի գալու` ո’չ ԱՄՆ-ը, ո’չ ՆԱՏՕ-ն, ոչ մեկը նրան չի պաշտպանի պատերազմի դեպքում: Նրանք ոչ մեկին պետք չեն, նրանց բոլորն ատում են և’ արաբները, և’ իրաքցիները, և’ դուք` հայերդ, և’ սիրիացիները, և’ հույները, և’ սլավոնները: Իսկ ԱՄՆ-ի համար Թուրքիան կոկորդում խրված ոսկոր է: Իզուր չէ, որ 19-րդ դարում Թուրքիային անվանում էին եվրոպայի հիվանդ <<մարդ>>: Հիվանդությունը չի անցել, հերթական բռնկումն է տեղի է ունենում հիմա` 2016-ի փետրվարին:

Ես կուզենայի, որ իրականանար ամբողջ աշխարհի հայերի երազանքը, որ պատժվեին նրանք, ովքեր 1915-ի ապրիլին, Առաջին համաշխարհային պատերազմի ժամանակ իրականացրին այդ սարսափելի ցեղասպանությունը:

Թուրքիան դիմացից չի հարձակվում, նա թիկունքից հարվածող է: Ռուսական ինքնաթիռն էլ նա թիկունքից խփեց: Իսկ Առաջին համաշխարհայինի ժամանակ թիկունքից խփեց հայերին, որոնք ապրում էին իրենց հայրենիքում, իրենց հողի վրա: Իսկ թուրքերը քոչվորներ են, նրանց հայրենիքը Միջին Ասիայում է, այնտեղ` Տաշքենդում, նրանք այդտեղ պետք է գնան: Եվ Անատոլիան պետք է թողնեն հայերին քրդերին ու հույներին: Իսկ Կոստանդնուպոլիսը պետք է լինի ազատ քաղաք:

Ժամանակն արագ է փոփոխվում: Հնարավոր է, որ մոտ ժամանակներս դա իրականան: Հայե’ր, ձեզ ոչ ոք չի խանգարի, չի դիմակայի:

Այնպես որ, Արևմտյան Հայաստանի հայերի սերունդները թող պատրաստեն իրենց փաստաթղթերը` գույքային վնասի փոխհատուցման համար:

Ես օդում չեմ խոսում, ես համոզված եմ, որ հայերը շուտով ոչ թե կնշեն Հայոց ցեղասպանության տարելիցը, այլ կտոնեն Արևմտյան Հայաստանի ազատագրման տոնը:

Իսկ Կարսում, Արդահանում, Արարատի վրա, Սասունում, Տրապիզոնում կծածանվի հայկական դրոշը: